Transcription
1
Monsieur, jay dit ce matin au capitayne des suisses et à maitre Pisard
2
qui me sont venus voyr pour scavoyr si javoys à vous escrire quelque chose,
3
quil nestoit rien survenu pour vous envoyer. Despuys, aynsi que je dinoys,
4
est survenu ce porteur qui ma apporté des letres de mon frere
5
que troverés cy encloses ; lune à vous, monsieur, close et lautre
6
à moy ouverte. Vous adviseres sil reste à fère quelque chose pour le
7
regard du capitaine Columbin. Je ne scay si avés retenu la letre que le
8
capitaine Bernard mescrivoyt qui vous feut enuoyée dans le mesme
9
depesche que je feis lors que je le vous recommanday. Messieurs
10
d’Argentenant et Catinel vont ce jourdhuy coucher à Romans pour
11
le faict que scavés ; et pource quil ne se presente aultre, je
12
feray fin par mes humbles recommandations à votre bone grace, priant le
13
Createur
14
Monsieur vous doner en sante heureuse et longue vie. De Grenoble
15
ce IIe doctobre 1572
16
Vostre humble serviteur
17
G Deportes
18
Ne se trovant aultre preuve de lassemblée d'Amblard
19
de la Riuoyre que par son fils, jeune garson et
20
assés simplas et luy sestant catholisé, messieurs
21
l’ont eslargi hors les prisons, soubz certeynes
22
comminations et submissions de peynes quil a
23
faict au grephe et au bureau où il a esté ouy.